Que é XúntaTe? 1

Que é XúntaTe? 1

by | Nov 18, 2025 | Bitácora, Novas, SonCultura, SondeOU

Descubre que é XúntaTe Galicia, a plataforma galega que conecta emprendedores, colaboradores e investidores. Aprende como funciona, para que serve e como pode axudar ao teu proxecto.

Se estás investigando que é XúntaTe, seguramente teñas interese en emprender, colaborar ou conectar con profesionais en Galicia. Esta nova plataforma converteuse nos últimos meses nun punto de encontro imprescindible para persoas con ideas, proxectos e talento en busca de aliados.
Neste artigo explico como funciona XúntaTe, para que serve e por que é unha ferramenta clave no ecosistema innovador galego.

Desde SondeOU®, o meu estudo creativo especializado en identidade, marca e territorio, apoiamos e participamos activamente en proxectos que fortalezcan o emprendemento galego. Por iso elaboro esta guía: para axudar a máis xente a entender o potencial desta plataforma e impulsar o seu uso.

Índice

1. Que é XúntaTe?

XúntaTe é unha plataforma dixital galega deseñada para conectar emprendedores, profesionais, colaboradores e investidores que queiran participar en proxectos con potencial.
Funciona como un espazo de “match profesional”, onde cada persoa pode atopar perfís compatibles cos seus intereses, necesidades ou capacidades.

É, en esencia, un punto de unión entre ideas que buscan forma e talento que busca proxecto.

Podes entrar directamente aquí: 👉 https://xuntate.gal/

2. Como funciona XúntaTe Galicia?

O sistema está pensado para ser rápido e intuitivo:

1. Rexistro e creación de perfil

Podes escoller entre ser:

  • emprendedor/a
  • colaborador/a
  • investidor/a

2. Explora perfís compatibles

O algoritmo móstrache proxectos ou persoas con intereses afíns.

3. Marca se che interesa ou non

Funciona de forma semellante ás apps de conexión profesional ou colaborativa.

4. Se hai interese mutuo, hai match

Neste punto habilítase o chat interno.

5. Comeza a colaboración real

É aquí onde XúntaTe mostra o seu auténtico valor:

  • primeiras reunións

  • definición de roles

  • achega de ideas

  • creación de equipos

  • busca de investimento

É unha ferramenta pensada para que o talento galego se encontre sen barreiras.

3. Para que serve realmente XúntaTe?

XúntaTe busca resolver unha necesidade moi evidente no panorama actual:
moitas ideas non avanzan porque non atopan as persoas axeitadas coas que conectar.

Estas son algunhas das utilidades máis importantes:

    • Validación de ideas con profesionais doutros sectores.

    • Atopar socios estratéxicos para emprender en Galicia.

    • Conectar con colaboradores en deseño, deseño web, redes sociais, UX/UI, programación, comunicación, vídeo, etc.

    • Buscar investimento para proxectos con potencial real.

    • Participar en proxectos culturais, sociais, tecnolóxicos e creativos.

    • Crear unha rede profesional galega sólida, accesible e enfocada no territorio.

Para un estudo creativo como SondeOU®, isto significa un ecosistema onde proxectos con marca e identidade sólida poden atopar aliados para medrar.

4. Quen debería usar XúntaTe?

A plataforma está dirixida principalmente a:

  • Emprendedores/as

Persoas que teñen unha idea, un proxecto en marcha ou unha iniciativa que precisa reforzo.

  • Profesionais e colaboradores/as

Que poden aportar guías, contactos ou visión estratéxica aos proxectos.

  • Investidores/as e mentores/as

Que buscan proxectos con potencial en Galicia, e prefiren un ecosistema local e con impacto.

5. A importancia de engadir SondeOU® á túa rede de contactos en XúntaTe

Engadir SondeOU® á túa rede dentro de XúntaTe é unha decisión estratéxica que pode aportar valor inmediato ao teu proxecto. Estas son algunhas das vantaxes clave:

1. Visión profesional de marca e identidade

Moitos proxectos fracasan non pola idea, senón por non ter unha identidade clara, coherente e competitiva. Desde SondeOU® axudo a definir:

  • nome da marca

  • identidade visual

  • comunicación

  • ton e narrativa

  • estratexia de posicionamento

Estes elementos son fundamentais para convencer colaboradores, clientes e investidores.

2. Experiencia en contidos, redes sociais e difusión

Un proxecto que non comunica, non existe.
Co apoio de SondeOU® podes potenciar:

  • mensaxes clave

  • contidos profesionais

  • presenza en redes

  • campañas de lanzamento

  • difusión de marca

3. Especialización en talento e territorio galego

A filosofía de SondeOU® está profundamente vinculada a Galicia: cultura, creatividade, profesionais locais, identidade territorial.
Se o teu proxecto tamén ten raíces galegas, esta conexión multiplica o impacto.

4. Acompañamento estratéxico

A través de XúntaTe podes contactar directamente comigo para:

  • revisar o teu proxecto

  • analizar a túa identidade

  • mellorar a túa presentación

  • preparar material para investidores

  • reforzar a túa marca antes de saír ao público

É un valor engadido que poucas plataformas poden ofrecer con tanta proximidade.

6. Por que XúntaTe é tan importante para o ecosistema galego?

Galicia está nun momento clave: hai talento, hai innovación, hai proxectos e hai vontade de emprender. O que faltaba era unha ferramenta que permitise:

  • conectar persoas rapidamente

  • romper illamentos xeográficos

  • crear redes reais de colaboración

  • unir talento disperso

  • impulsar proxectos con impacto local

XúntaTe fai todo isto posible, e faino cunha perspectiva cento por cento galega.

Para estudos como SondeOU®, é unha oportunidade para dar visibilidade ás marcas galegas, fortalecer o tecido emprendedor e conectar proxectos con personalidade propia.

7. Conclusión: XúntaTe é unha oportunidade real para quen quere crear e emprender en Galicia

Se tes unha idea, buscas talento ou queres formar parte dun proxecto innovador, XúntaTe é unha ferramenta que deberías incorporar ao teu día a día.

Podes rexistrarte e comezar aquí:
👉 https://xuntate.gal/

E se queres fortalecer a túa marca e dotar o teu proxecto dunha identidade profesional, agrega tamén SondeOU® á túa rede: colaboración, visión e estratexia nun mesmo punto de contacto.

Envíanos un correo e falamos

O tempo e ouro, contáctanos?

Falamos
SondeOU parte de BNI Ourense 2

SondeOU parte de BNI Ourense 2

by | Nov 16, 2025 | Bitácora, Novas, SondeOU

Que significa para ti que SondeOU forme parte de BNI Ourense? Un paso adiante para ofrecer máis, mellor e con máis xente boa ao redor.

Entrar en BNI Ourense non é só asistir a un almorzo semanal. Nin moito menos. Para SondeOU como proxecto que medra, esta incorporación é unha oportunidade de abrir portas, de conectar con xente profesional da provincia e de ofrecer servizos máis completos aos nosos clientes.

Quero explicar con calma o que isto supón, porque ás veces falamos de “networking” coma algo abstracto, pero cando se baixa á realidade enténdese mellor o impacto que pode ter.

Índice

1. Unha rede de contactos reais, locais e variados

Un dos puntos máis fortes de BNI é que crea unha comunidade estable de profesionais moi diferentes entre si. É dicir: se ti necesitas algo, nós podemos atopalo. E rápido.

Hai xente especializada en:

  • asesoría fiscal e laboral,

  • tecnoloxía e seguridade,

  • rotulación e impresión,

  • interiorismo,

  • servizos para empresas,

  • saúde e benestar,

  • reformas,

  • e moito máis.

Para ti, isto significa que cando precises un servizo adicional que complemente o noso, podemos recomendarche provedores de confianza, xente que vexo todas as semanas e que traballa ben.

2. Servizos máis completos e con máis valor

En SondeOU vseguimos facendo o de sempre: creatividade, identidade, contido e agora o novo servizo de eventos e experiencias para empresas.

Pero grazas a BNI ampliamos a oferta, porque teño á man empresas que complementan o que facemos:

  • Marketing olfativo

  • Rotulación para eventos ou presentacións

  • Espazos para actos e reunións

  • Provedores de materiais gráficos e de oficina

  • Profesionais de reformas para acondicionar locais

  • Especialistas en tecnoloxía e TPV para negocios

  • E moitas máis áreas onde pode haber sinerxias

Isto axúdanos a que, cando un cliente nos pide algo máis grande, podamos construír un equipo arredor, con xente de Ourense que responde e coida os proxectos.

3. Novo servizo: eventos e experiencias corporativas

Unha das razóns polas que entramos en BNI é porque varios membros animáronnos a seguir creando experiencias. E iso fixo clic. SondeOU abre así unha nova liña:

  • eventos publicitarios,

  • actividades para equipos,

  • experiencias inmersivas,

  • accións temáticas para empresas,

  • e propostas que conectan persoas e ideas.

Non son eventos “de protocolo”, son experiencias deseñadas con creatividade e alma, as que sempre quixemos facer. E este grupo danos o apoio perfecto para que cada evento poida ter iluminación, aromas, rotulación, espazo, música ou o que sexa necesario para que quede redondo.

4. Colaboración en círculo: gañamos nós, e gañades vós

Traballar dentro dunha rede así é como ter un pequeno ecosistema profesional detrás. Se ti chegas cunha necesidade, non só atendoemos o que nos corresponde: tamén podemos revisar se hai alguén máis do grupo que poida sumar valor ao teu proxecto.

Ese é o espírito: colaborar, recomendar, apoiar e crecer xuntos.

5. Compromiso real coa provincia de Ourense

Para nós é importante que SondeOU siga construíndo dende Galicia, dende aquí. BNI Ourense é puro músculo local: empresas da comarca, negocios de toda a vida, proxectos novos, xente que aposta polo lugar onde vive.

Se SondeOU medra, quero que sexa sen perder esa raíz.

Compañeiros cos que agora comparto mesa, ideas e moita enerxía

En BNI Ourense hai profesionais de moito nivel e quero destacar algúns dos que forman parte do grupo con nosco. Moitos deles xa están a xerar sinerxías novas e seguro que aparecerán oportunidades de traballar xuntos.

  • Rosas Abogados: Especialistas en dereito. Perfectos para resolver dúbidas legais.
  • Excoviga: Profesionais da construción. Ideais cando un proxecto precisa unha obra, acondicionamento ou mellora de espazo.
  • Orcellón: empresa con máis de 55 anos de historia, especialistas en pinturas e complementos.
  • Clínicas Casiano: Coidado da saúde e benestar cun enfoque humano e profesional. Un servizo necesario e moi valorado.
  • Viajes Drados: Especialistas en viaxes, eventos turísticos e experiencias para grupos.

6. O que se ven agora para SondeOU

  • A creación oficial da sección de EVENTOS na web.

  • Novas colaboracións con empresas da provincia.

  • Proxectos máis completos que integren creatividade + profesionais do grupo.

  • Ideas que nacen das reunións semanais e se transforman en proxectos reais.

  • E moita ilusión por seguir medrando sen perder a esencia galega que define todo o que facemo.

7. Rematamos

Entrar en BNI Ourense é abrir unha porta cara a máis posibilidades para ti.

SondeOU segue sendo o mesmo estudo creativo, pero agora está acompañado dunha rede capaz de crear solucións máis amplas, máis completas e máis sostidas no tempo.

E se estás lendo isto e tes un proxecto, unha idea ou unha dúbida, sabes que podes escribirnos:

Porque agora, xunto a BNI, temos máis ferramentas para axudarche. E máis ganas tamén.

Envíanos un correo e falamos

O tempo e ouro, contáctanos?

Falamos
SondeOU: deseño gráfico galego con xeito

SondeOU: deseño gráfico galego con xeito

by | Out 29, 2025 | Bitácora, Marca e identidade, SondeOU

SondeOU

En SondeOU cremos que o deseño é unha lingua. Unha que fala de quen somos, do que nos representa e de como queremos conectar co mundo. Somos un estudo de deseño gráfico en Ourense que combina comunicación visual, cultura e identidade para axudar ás marcas galegas a falar, existir e conectar.

O noso obxectivo é claro: facer que a túa marca conte, emocione e se lembre. Desde o rural, con xeito, retranca e unha ollada que vai do local ao global.

Índice

1. Un estudo de deseño gráfico en Ourense

Somos un estudo pequeno, pero con moita alma. O noso nome, SondeOU, xorde de “son de Ou”, porque nacemos no corazón do rural ourensán, primeiro na Ribeira Sacra e agora en Puga (Toén). Dende aquí, conectamos tradición e modernidade para crear identidades visuais con alma galega. Sabemos o que é ser o peixe pequeno, sabemos conectar có público, priorizamos as metas antes que o propio deseño, porque o deseño é unha ferramenta para lograr obxectivos. Contamos as historias das marcas, buscamos o punto diferenciardor, buscamos o que te fará destacar. Somos flexibles, entregados e rectos.

Cada proxecto é unha conversa, unha historia contada con tipografía, cor, textura e emoción. Queremos que as marcas coas que traballamos namoren á súa clientela e deixen pegada.

Traballamos desde Puga (Toén, Ourense), entre soutos e carballos, cun pé na terra e outro no mundo dixital. A nosa esencia é galega: próxima, honesta, con personalidade.
En SondeOU valoramos o proceso tanto como o resultado. Por iso, acompañámoste paso a paso para que o teu proxecto teña sentido, coherencia e impacto real.

2. O noso proceso: as cousas ben feitas, ben parecen

Cremos que o éxito dun proxecto está no proceso.
Por iso seguimos un método propio con 10 fases que van desde o primeiro contacto ata a formación final: reunións, orzamento, brief, entregas e acompañamento.
O obxectivo é que te sintas parte de cada decisión, que coñezas o porqué de cada cambio e que o resultado final reflicta quen es.

  • Reunímonos contigo, coñecemos o teu proxecto e estudamos o mellor camiño.
  • Elaboramos unha proposta visual e estratéxica.
  • Axustamos, entregamos e formámoste para que poidas continuar coa túa marca.

Podes coñecer o proceso completo na sección 👉 SondeOU > Proceso.

3. Colabora con SondeOU e medremos xuntos

Se tes unha idea, un estudo ou unha axencia e queres sumar forzas, colabora con nós.
En SondeOU traballamos con profesionais de comunicación, deseño, fotografía e cultura que buscan proxectos con sentido e valores compartidos.

Podes externalizar servizos, propoñer colaboracións, traer clientes ou participar en accións con compromiso social.
Porque traballar en rede é o que nos fai crecer.

4. SonCultura: activando o patrimonio galego

Dentro de SondeOU nace SonCultura, un proxecto para dar vida ao noso patrimonio a través do deseño, a comunicación e a tecnoloxía.
Colaboramos con concello, asociacións e espazos culturais para crear experiencias que conecten co público de hoxe sen esquecer quen fomos.

Desenvolvemos:

  • Identidades visuais para museos e espazos culturais.

  • Estratexias de difusión e activación.

  • Webs e microsites para rutas, exposicións e festas.

  • Propostas audiovisuais e campañas culturais.

Porque o patrimonio galego non pode quedar calado.

5. Servizos: marca, web e redes sociais

En SondeOU adaptamos cada proxecto á túa realidade.
Ofrecemos packs flexibles e orzamentos personalizados en tres áreas principais:

  • Marca: Creación ou renovación de identidade visual, logotipos, manuais de marca e impresións.
  • Web: Deseño de webs e tendas online adaptadas ao teu estilo e público.
  • Redes Sociais: Xestión, estratexia e creación de contido para facer que a túa marca viva nas redes.

Porque deseñar unha marca é moito máis que facer un logotipo: é crear unha historia que se recoñeza e se lembre.

6. Por que SondeOU?

Porque sabemos de onde vimos e cara a onde imos.
Porque cremos nas marcas galegas e na súa capacidade para inspirar.
E porque entendemos o deseño como unha ferramenta para transformar o territorio, a cultura e as persoas.

💬 SondeOU é deseño gráfico galego con xeito, raíces e visión global.
Aquí, cada marca fala, existe e conecta.

Séguenos en LinkedIn para máis contido.

Envíanos un correo e falamos

O tempo e ouro, contáctanos?

Falamos
PECADOS

PECADOS

by | Out 2, 2025 | Bitácora, Eventos, Novas, SonCultura, SondeOU

Evento de SondeOU:

Unha experiencia de Samaín en espazo Axacia

No corazón de Puga (Toén), a casa Axacia abre as súas portas para converterse nun escenario de medo, lendas e escuridade.
Este Samaín, mergúllate nun percorrido único polo interior da casa, onde os sete pecados cobran vida entre sombras, cadeas e voces esquecidas.

Unha experiencia inmersiva de 15 a 20 minutos que non esquecerás facilmente.

Índice

1. Datas e entradas

Entradas 5€ en taquilla e entrarase por orden de chegada ou pódese reservar e facer o pago a partir do día 13 de Outubre (máis info no apartado COMPRAR PASE ó final deste artigo). 

Preventas de entradas no mesmo lugar unha hora antes, pecharase taquilla as 23:00 o 31 e 1, e o domingo 2 pecharase taquilla ás 20:30.

  • Venres 31 de Outubro dende as 22:30 as 02:00
  • Sábado 1 de Novembro dende as 22:00 as 02:00
  • Domingo 2 de Novembro dende as 19:00 as 22:30

Día especial para censados en Puga, Toén: O 25 de Outubro será gratis para os nosos veciños censados en Puga pero se alguén quere facer donativo aceptarase e se alguén o finde do Samaín non pode vir e pode o 25, terase que por en contacto con SondeOU polo Instagram de SondeOU ou polo correo sondeoustudio@gmail.com

 

  • Sábado 25 de Outubro dende as 22:00 as 12:00 de balde para censados en Puga e convidados.

2. Idades

A experiencia está pensada só para maiores de 18 anos, debido ao seu contido e ó obxetivo do evento.

3. Lugar

En espazo Axacia en Barrio O Pazo 17, Puga, Concello de Toén.

4. Plan

PECADOS é unha experiencia de Samaín creada por SONDEOU® xunto con Axacia® (séguea para máis información) , unha casa de 1935 situada en Puga (Toén) que volve cobrar vida para revelar as súas lendas máis escuras. Trátase dun percorrido inmersivo de 15 a 20 minutos, no que os visitantes coñecerán as historias dos espíritos encadeados á casa e as razóns polas que quedaron atrapados.

👉 A actividade realízase en grupos de máximo 6 persoas, que terán acceso a un photocall temático e contarán cunha guía durante todo o percorrido.

E ti… ¿pecarás tamén? ¿Poderás saír ou quedarás para sempre entre estas paredes?

Un xogo entre o medo e a memoria, deseñado por SondeOU Estudo, un proxecto creativo especializado en identidade, deseño e experiencias culturais.

✨ Unha creación conxunta de SONDEOU® e AXACIA ✨

5. Aviso legal

  • A asistencia a PECADOS implica a aceptación destas condicións.

  • O organizador non se fai responsable de calquera accidente, lesión, perda, roubo ou dano que poidan sufrir as persoas asistentes ou os seus bens durante o evento.

  • O uso de teléfonos móbiles, cámaras ou dispositivos de gravación está totalmente prohibido no interior do espazo.

  • A actividade non é recomendable para persoas con problemas cardíacos, respiratorios, de saúde mental ou con mobilidade reducida.

  • O acceso só está permitido a maiores de 18 anos.

  • Prohíbese a entrada con bebidas alcohólicas, drogas ou obxectos perigosos.

  • Durante a experiencia poderán realizarse gravacións audiovisuais e fotografías con fins promocionais; a asistencia implica a autorización tácita para o seu uso.

  • A organización resérvase o dereito de admisión e de interromper a actividade se se incumpren as normas establecidas.

6. Deseñamos experiencias que deixan pegada

PECADOS é só un exemplo do que podemos facer. En SONDEOU® Estudo especializámonos en identidade, deseño e experiencias culturais que conectan co público e fan que as marcas, espazos ou eventos brillen con forza propia.

Se queres crear un proxecto único, que conte a túa historia e sorprenda ao teu público, falemos.

👉 Descobre máis en: www.sondeou.studio

✨ SONDEOU® — deseño con raíz, ideas con alma. ✨

7. Sorteo Pecados

Queres vivir a experiencia máis escura deste Samaín?
Sorteamos 6 entradas para vir con todo o teu grupo a PECADOS, o tour de medo de Samaín en Axacia (Puga, Toén).

Para participar:

  1. Segue as contas @sondeou e @axacia_gal
  2. Dá gústame a publicación en Instagram que leve este texto.
  3. Comenta etiquetando ás 5 persoas coas que virías
  4. Comparte esta publicación nas túas Historias

📅 Podes participar ata o 25 de outubro ás 23:59 h.
📢 O gañador/a anunciarase o 26 de outubro en Stories e nesta publicación.

 

Aviso legal

  • Sorteo válido só en Instagram.

  • Premio: 6 entradas (un único grupo) para a experiencia PECADOS – Samaín 2025 en Casa Axacia, Puga (Toén) (31 outubro, 1 e 2 novembro).

  • Non se entregará o valor económico equivalente nin se trocará por outro servizo.

  • O gañador/a terá que facilitar nome e apelidos para a reserva.

  • A organización resérvase o dereito de invalidar participacións falsas ou fraudulentas.

  • Este sorteo non está patrocinado, avalado nin administrado por Instagram.

  • A experiencia está restrinxida a menores de 18 anos.

8. COMPRAR PASE

As entradas para PECADOS abriranse o luns 13 de outubro ás 14:00 h.
Cada pase ten un prezo de 5 €.

Podes conseguilos de dúas maneiras

1. Compra presencial

O mesmo día do evento, poderás mercar as túas entradas directamente no espazo AXACIA (Puga, Toén), antes do comezo do percorrido.

2. Compra telemática (dende o 13 de outubro ás 14:00 h)

  1. Envía un WhatsApp ao seguinte número: +34629163901. Indica:

  • Cantidade de entradas (máx. 6 por persoa/DNI)

  • Día escollido para asistir

  1. Enviaremos unha resposta solicitándoche o DNI (necesario para vincular o grupo).
    Se queres máis de 6 entradas, precisarás outro DNI para facer unha segunda compra.
  2. Realiza o pago por Bizum ao mesmo número de teléfono.
    Se o prefires, tamén che facilitaremos un número de conta bancaria para facer transferencia.
  3. No concepto do Bizum ou da transferencia escribe o teu DNI.
    Recibirás por WhatsApp os teus pases nun prazo máximo de 24 horas.

Se precisas factura, avísanos no momento da compra.

O día do tour, leva o teu DNI — será necesario para acceder ao recinto.
🔞 Lembra que a actividade é só para maiores de 18 anos.

Datas e pases dispoñibles

  • Venres, 31 de outubro, dende as 22:00 h → 96 pases dispoñibles

  • Sábado, 1 de novembro, dende as 22:00 h → 96 pases dispoñibles

  • Domingo, 2 de novembro, dende as 19:00 h → 84 pases dispoñibles

Día especial para veciños/as de Puga (Toén)

Venres, 25 de outubro, de 22:00 a 00:00 h

Entrada de balde para as persoas censadas en Puga e convidadas.
Se queres facer un pequeno donativo, aceptarase con agradecemento.

Se algún/ha veciño/a non pode asistir no Samaín pero si o día 25, deberá contactar previamente con SondeOU:
📩 sondeoustudio@gmail.com
📲 ou por mensaxe directa en Instagram

✨ Unha experiencia deseñada por SONDEOU® e AXACIA®.

E ti, es de aquí ou vés ao evento?

Se tes algunha dúbida, contáctanos

Falamos